Një shtetas shqiptar I cili akuzohet për vrasje është ekstraduar në Britaninë e Madhe dhe do të dalë para gjykatësve në Cardiff. Gledis Mehalla akuzohet se së bashku me 7 persona të tjerë ka vrarë polakun Tomasz Ëaga në Cardiff. Ngjarja e rëndë ka ndodhur më 28 janar të vitit të kaluar, ndërsa cështja vijon të jetë ende në hetim. Lajmi u bë publik nga media e njohur BBC, ku shkruhet se Mehalla ështe personi i nëntë që përballet me gjyq në lidhje me këtë çështje. Trupi i Tomasz Ëaga u gjet nga një anëtar i publikut në Ëestville Road, Penylan. BBC shkruan se burime nga policia e Uesllsit të Jugut bëjnë me dije se u lëshua një urdhër arresti për Mehallan nën dyshimin për vrasje dhe lëndim të rëndë në trup dhe se ai u arrestua nga autoritetet shqiptare më 2 tetor 2021. Më pas u lëshua një kërkesë ekstradimi, e cila u urdhërua nga një gjykatë shqiptare në nëntor 2021. Ai u ekstradua më 20 janar dhe do të dalë para Gjykatës së Magjistraturës së Cardiffit të premten, më 21 janar. Dy të tjerë janë ende në kërkim në lidhje me vdekjen e polakut.