Pengmarrja e një shqiptari në Britani, pas përplasjes mes bandat rivale të shtëpive të barit, vuri në lëvizje policinë shqiptare së bashku me homologët britanikë. Mësohet se një 30-vjeçar shqiptar, ishte marrë peng në Angli nga disa bashkëkombas, me rekorde të hershme kriminale, të cilët kërkonin 400 mijë paund në këmbim të lirimit të tij. Në bashkëpunim me metropolitan police dhe asistencën e NCA, policia e shtetit u finalizua operacioni policor i koduar ‘pengu’, pas të cilit u bë e mundur gjetja dhe lirimi i shqiptarit të marrë peng nga bashkëkombasit e tij.