Mediat e huaja vijojnë t’u kushtojnë vëmendje figurave të ndryshme të krimit në vend. Luxemburger Wort u ndal këtë të shtunë tek një emër tjetër, ai i Aldo Iamandi (Gjini), krahu I djathtë I grupit të Rrajave në Fushë Krujë, për të cilin shkruan se u fut në listën e zezë të autoriteteve pas të shtënave me armë zjarri më 24 nëntor 2020 në Remich, Luksemburg. Ngjarje që e futi atë në listën e kriminelëve më të kërkuar të Evropë dhe që çoi në arrestimin e tij në Bruksel e më pas dënimin me 30 muaj burg, ndërsa në Shqipëri e pret një dënim edhe më I rëndë. Nga kjo ngjarje nisi dhe zbardhja e grupeve të tjera, ku si pasojë e hetimeve të kryera u zbuluan lidhjet e Aldos me grupet e krimit të organizuar shqiptar dhe trafikimin e drogës drejt Evropës. Bazuar në komunikimet e deshifruara të rrjetit të koduar SkyECC, hetuesit zbuluan kontrabandën e kokainës dhe marihuanës, konflikte të brendshme dhe struktura të organizuara të bandës. Nga aksionet e SPAK në Shqipëri, u arrestuan dhjetë persona dhe u sekuestruan paratë, automjetet dhe armët e përdorura nga grupi. Sipas gazetës Luxemburger Wort, rasti i Aldo Iamandit tregon lidhjen e ngushtë mes ngjarjeve kriminale në Luksemburg dhe Shqipëri, duke nxjerrë në pah ndikimin e grupit të tij në trafik ndërkombëtar të drogës dhe dhunë të armatosur.