Një shqiptar është bërë protagonist i ngjarjeje të pazakontë në Vjenë. 20-vjeçari, i paidentifikuar ende, ka dhunuar dhe sulmuar pa arsye katër efektivë policie. Sipas mediave të huaja, shqiptari kishte futur në kurth policët në mënyrë që t’i nxirrte në rrugë dhe t’i dhunonte. Shqiptari fillimisht mori në telefon policinë dhe ‘dha alarmin’ për një çantë. Në këtë mënyrë efektivët dolën të shikonin çantën, dhe në momentin që në rrugë del efektivi i parë, shqiptari e godet me grushte. Në ndihmë të efektivit erdhën edhe tre policë të tjerë, por që edhe ndaj tyre shqiptari ushtroi dhunë. Efektivët hodhën spraj ndaj të riut shqiptar në mënyrë që t’i vinin prangat. Mësohet se efektivët e kanë çuar në komisariat shqiptarin dhe më pas kanë shkuar në spital për të marrë ndihmën e nevojshme mjekësore. Ndërkohë shqiptari nuk ka dhënë asnjë arsye pse ka bërë një veprim të tillë.