Mediat britanike kanë publikuar foton e një shqiptari, të identifikuar si Doran Puka, i cili është dëbuar dy herë nga Anglia, por është kthyer sërish. Një hajdut shqiptar i dëbuar dy herë nga Britania e Madhe për krimet e tij është kthyer sërish në Britani si një imigrant i paligjshëm. Ai postoi foto në Instagram duke pirë koktejle dhe duke udhëtuar me një Porsche rrugëve të qytetit,”- shkruan media britanike Telegraph. Bazuar në të dhënat e publikuara nga media britanike, Doran Puka ishte dënuar me 9 muaj burg për vjedhje, por edhe pse i deportuar, ai gjeti rrugën për t'u rifutur në "tokën e ëndërruar". Nuk ka të dhëna nëse ky person ka precedentë të mëparshëm penalë në Shqipëri, por ajo që dihet me saktësi është kalimi i paligjshëm nga vendlindja për në Angli. Ndërsa pasuria e tij është vënë në dyshim, pasi nuk mund të siguronte nga puna si emigrant të ardhura me të cilat të blinte makina të tipit të fundit, apo të bënte një jetë luksi.