Dritan Rexhepi është shqiptari që dyshohet se është pjesëtar dhe me rol kryesor të rrjetit të drogës në Europë. Ai është një nga shqiptarët me të kërkuar në botë. Rexhepi është arratisur nga burgjet e tri shteteve dhe kapur nga Interpoli në Amerikën e Jugut. I shumëkërkuari u arrestua në Katalunja të Ekuadorit tre vite pas arratisjes nga një burg i Belgjikës. Shqiptari u ndalua nga policia e Ekuadorit, si pjesë e një grupi që u kap me 278 kilogramë kokainë. Ai kishte ndryshuar pamjen dhe identitetin, por gjurmët e gishtave zbuluan se personi i arrestuar ishte pikërisht 34-vjeçari nga Vlora, emri i të cilit ndodhej në listën e 10 personave më të kërkuar nga Interpoli. Dritan Rexhepi, i cilësuar si “mjeshtri” i arratisjeve, nuk kërkohej vetëm nga Shqipëria, ku akuzohet për vrasjen e dy policëve në vitin 1999. Ka qenë pikërisht shteti belg, ku Dritan Rexhepi u arrestua për herë të fundit, por arriti të arratisej nga burgu më 2 tetor të vitit 2011.