Lideri i partisë laburiste në Australi, Antoni Albanese, do të jetë kryeministri i ri i vendit pasi zgjedhësit i kthyen shpinën liderit liberal Scott Morrison pas vetëm një mandati në detyrë. Albaneze, me siguri do të krijojë një qeveri pakice edhe pse është e paqartë nëse do të ketë mjaftueshëm vende për një shumicë... Numërimi i votave vazhdon dhe këto janë vetëm rezultatet paraprake. Albanese ka shërbyer si ministër në qeverinë e mëparshme laburiste të kryeministrave Kevin Rudd dhe Julia Gillard, para se të bëhej lider i Laburistëve pas humbjes së fundit në zgjedhje të partisë, në 2019-ën. Ajo humbje, shënoi kthesën e madhe të laburistëve dhe ata u rikthyen në këtë fushatë me premtime shumë më modeste me qëllim që të evitohej ndezja e shqetësimeve të votuesve për ndryshime drastike.