Forcat policore të Maqedonisë së Veriut, kanë parandaluar një tentativë për për transport të paligjshëm të një shumë prej 500 mijë eurosh, të cilat u gjetën të fshehura në nje pjesë të ndërtuar posaçërisht në një minibus. Rasti është cilësuar si sekuestrimi më i madh i valutës së huaj në histori, nga Drejtoria e Doganave të Maqedonisë së Veriut. Sipas mediave maqedonase, se paratë dhe automjeti janë konfiskuar, ndërsa drejtuesi I mjetit, shtetasi shqiptar me iniciale Xh.G. është ndjekur penalisht. Tentativa për transortimin e shumës së padeklaruar është zbuluar gjatë një aksioni të Njësisë për punë operative në hyrje të shtetit, në pikën kufitare të Tabanocit, ku është kryer kontroll i detajuar i një minibusi në pronësi të një agjencie turistike nga Shqipëria, me të cilin po udhëtonin shtatë pasagjerë. Gjatë kontrollit të mjetit, janë vënë re ndryshime të dyshimta në strukturën e automjetit, dhe pas së cilës është përdorur një qen policor që ka sinjalizuar për dyshime në të njëjtin vend. Dyshimet janë konfirmuar përmes skanimit të automjetit, pas së cilës inspektorët kanë hapur pjesën e modifikuar dhe kanë gjetur 14 qese plastike transparente me gjithsej 500 mijë euro të fshehura.