Një shqiptar është arrestuar nga policia italiane në Lugo, pasi ishte në kërkim ndërkombëtar. Arrestimi i shqiptarit erdhi pas patrullimeve të shtuara në zonë, për shkak të problemeve që kanë sjellë për qytetarët bandat që vjedhin në biznese dhe banesa. Ai u kap në afërsi të komunës Conselice, pasi efektivët pikasën një makinë duke kryer manovra të rrezikshme. Pas kësaj shoferi nuk i është përgjigjur thirrjes për të ndaluar, gjë që ka shtyrë policinë ta ndiqte përgjatë qytetit me shpejtësi të madhe. Pasi kanë vënë re se po ndiqeshin nga policia, tre personat që ndodheshin në makinë, kanë braktisur mjetin dhe janë larguar në këmbë drejt arave bujqësore ngjitur. Pas disa minutash ndjekje, policia ka arritur të ndalojë vetëm 42-vjeccarin, i cili ka tentuar sërish të arratiset duke goditur me shkelma dhe grushte policiët, po këto të fundit kanë arritur ta arrestojnë. Personi i arrestuar është denoncuar edhe në Prokurorinë Publike të Ravenës për kundërshtim të zyrtarit publik, marrjen e sendeve të vjedhura dhe posedim të mjeteve për vjedhje. Sakaq vijojnë ende hetimet për kapjen e dy bashkëpunëtorëve që kanë mundur të arratisen dhe kapjen e pronarëve të sendeve të vjedhura të gjetura në makinë.