Hetimet për vrasjen dhe zhdukjen e një berberi italian në Pulja kanë zbuluar një rrjet të organizuar pastrimi parash mes Italisë dhe Shqipërisë. Antimafia italiane dhe SPAK kanë ndërmarrë një operacion të përbashkët nën koordinimin e Eurojust. 15 urdhër-arreste janë nxjerrë në të dyja anët e Adriatikut, ku 10 janë nxjerrë nga SPAK në Shqipëri, prej të cilëve 5 janë ekzekutuar dhe 5 urdhër-arreste nga antimafia italiane. Hetimet e italianëve zbuluan se në mbrëmjen e datës 25 Prill 2025, berberi Francesco Diviesti u përfshi në një konflikt, në një bar të Barlettas. Ai është marrë me forcë nga tre persona, një shqiptar dhe një çift italianësh dhe është dërguar brenda disa shpellave, pranë një zonë të izoluar në Murgian e sipërme, në Casosa di Puglia. Aty është qëlluar 5 herë nga dy pistoleta. Më pas i është vënë flaka brenda disa gomave, me qëllim që kufoma të digjej, sipas një metode të përdorur në vitet ’90 në këtë zonë.