Një shqiptar nga Kosova ka humbur jetën tragjikisht në Itali, në vendin e punës. 52-vjeçari i identifikuar si Nazmi Morina ka humbur jetën në vendin e punës pasi një ngarkesë që peshonte mbi një ton, i ra përsipër. Aksidenti ndodhi teksa po punonte në kantierin e punës, në një shtëpi të moshuarish Orzivecchi. Sipas mediave italiane, Nazmi Morina po përdorte një vinç të vogël, duke lëvizur materialin, kur ngarkesa u lirua dhe e zuri poshtë. Edhe pse iu dha ndihma e parë, shqiptari nuk mundi që të mbijetonte.