Numri i shqiptarëve që udhëtojnë drejt Britanisë me varka të vogla po bie pas masave të reja të ashpra të qeverisë Zyrtarët britanikë thonë se rënia e numrit të emigrantëve që arrijnë në Mbretërinë e Bashkuar nga deti është e ndjeshme. Lajmi vjen pas monitorimit nga zyrtarët e Forcave Kufitare në Dover. Struktura 30 metra e gjatë, e cila gjithashtu ka radarë dhe antena infra të kuqe, është pjesë e një sistemi të ri mbikëqyrjeje për të dalluar dhe përgjuar varkat e emigrantëve përpara se të arrijnë në brigjet britanike. Vitin e kaluar, 28 për qind e 45,755 emigrantëve me varka të vogla që kaluan Kanalin ishin shqiptarë. Por, për tre muajt e parë të këtij viti, shqiptarët mendohet se përbëjnë më pak se 5 për qind të 3700 të ardhurve deri tani. Zhvillimi po shihet si një justifikim i lëvizjeve të ashpra të qeverisë për t’iu mohuar migrantëve me varka të drejtën për të kërkuar azil. Edhe pse dje u raportua se rënia mund të jetë gjithashtu për shkak të një vendimi të emigrantëve të mundshëm për të zgjedhur të udhëtojnë me kamion në vend të kësaj. Rreth 500 shqiptarë që hynë ilegalisht në Mbretërinë e Bashkuar janë dëbuar që kur Rishi Sunak ra dakord për një marrëveshje me Edi Ramën. 2478 shqiptarë të tjerë u deportuan midis korrikut 2022 dhe shtatorit 2022 pas një marrëveshje ripranimi.