Mafia shqiptare përbën një rrezik serioz për sigurinë dhe ekonominë europiane, kështu është bërë e ditur gjatë prezantimit të Raportit gjashtëmujor të Antimafias italiane. “Trafiku i drogës është shtylla kurrizore e aktivitetit kriminal të mafieve italiane e të huaja në territor. Afera e biznesit të këtij trafiku është 780 miliardë dollarë e riciklimi i fitimeve nga biznesi i drogës në ekonominë e ligjshme llogaritet të jetë rreth 3100-miliardë dollarë” thuhet në këtë raport. Mafia shqiptare rikonfimohet ndër më të rrezikshmet ndër kriminalitetin e huaj në Itali dhe e dyta ndër më të forta pas Ndranghetas kalabreze. Aktivitetit i mafias shqiptare është dokumentuar se është fortësisht i organizuar dhe në nivel internacional në bashkëpunime me grupe e mafie të tjera të pozicionuara jashtë territorit italian. Sipas raportit, mafia shqiptare është ndërmjetësja e parë me kartelat e narkotrafikut në Amerikën Jugore, në importimin e sasive të mëdha të kokainës nga vendet e prodhimit të saj e në furnizimin e tregjeve italiane e europiane. Në dokument thuhet se mafia shqiptare lulëzon aktivitetin e saj kriminal jo vetëm në trafikun e drogës por dhe në trafikun e qënieve nejrëzore e në atë të armëve. E po ashtu klanet mafioze italiane përdorin territorin shqiptar për riciklimin e parave të pista nga aktiviteti i tyre ilegal.