Shqiptarët janë ndër të fundit në Europë sa u takon shpenzimeve që kryejnë për konsum alkooli. Të dhënat e Eurostat tregojnë se për vitin 2021, një shqiptar ka shpenzuar mesatarisht 66 euro në vit për pijet alkoolike. Pas janë vetëm Kosova, Bosnja dhe Turqia. Eurostat thotë se në 2021, 120 miliardë euro u shpenzuan nga familjet europiane për pije alkoolike, rekordi që nga koha kur është matur ky tregues për herë të parë në vitin 2016.