Policia greke ka vënë në pranga 4 persona të dyshuar për vrasjen e mafiozit grek Jorgos Moskouris i njohur edhe si “Thamnakia”, ngjarje e shënuar në 24 prill 2025 në Halandri. Autorët kishin ngritur një pritë dhe kishin hapur zjarr me kallashnikovë ndërsa viktima po shkonte drejt automjetit të tij. Operacioni u finalizua pas disa muajsh hetime. Të arrestuarit, akuzohen se kanë mbështetur autorët e krimit që vranë 55-vjeçarin jashtë një klinike private në Halandri. Autoritetet njoftojnë se mes të arrestuarve, janë dy shtetas grekë dhe dy me origjinë shqiptare. Sipas hetimeve, 4 të akuzuarit kishin marrë përsipër pjesën operative të krimit, duke siguruar armë, automjete, transport dhe mbështetje për ekzekutorët e huaj që mbërritën në Greqi ekskluzivisht për ekzekutimin.