Kryetari i komunës së Preshevës, Shqiprim Arifi, votoi paraditen e të dielës në fshatin Tërnavë. Ai mbështet listën Alternativa demokratike shqiptare-Lugina e Bashkuar por thotë se një numër i vogël qytetarësh kanë votuar deri më tani në zgjedhjet parlamentare dhe rajonale që po mbahen në serbi. E kjo, e ka një shkak që sipas tij është përcarja e shqiptarëve dhe garimi në dy lista të ndara. "Është fatkeqësi që ne e shohim sot, kemi kaluar tani mbi tre orë që janë hapur vendvotimet edhe ajo të cilën edhe e kam paralajmëruar edhe më herët, që shqiptarët qysh në 2022 kanë bojkotuar (zgjedhjet), sepse kemi qenë të përçarë. Po duket qe sivjet edhe një herë më shumë po duket që po bojkotojnë përçarjen tonë të cilën e kemi me dy lista në zgjedhje. Është një fatkeqësi siç po e shihni dhe ju vet nuk ka kurrfarë grumbullimi, kështu është edhe në 38 vendvotimet tjera"