SPAK ka dhënë detaje mbi operacionin e përbashkët të zhvilluar me autoritetet italiane ku u godit një grup kriminal I trafikut të drogës I përbërë kryesisht nga shqiptarë. Në kuadër të aksionit, u ushtruan kontrolle në banesat e 21 personave të vendosur nën hetimi. Hetimet u kryen nga Skuadra e përbashkët hetimore me antimafian në Breshia dhe prokurorinë publike të konfederatës së Zvicrës. Nga tërësia hetimore u zbulua se grupi kriminal merrej me trafikun ndërkombëtar të drogës nga Amerika e Jugut në Europë, përmes rrugëve detare por dhe atyre tokësore. Autoritetet italiane kanë sekuestruar një sasi të konsiderueshme kokaine me peshë mbi 1300 kg. Grupi kishte ngritur 6 baza logjistike në të gjithë territorin italian ku mbante drogën e më pas e shpërndante. Çdo anëtarë kishte detyra të veçanta. një pjesë e tyre mblidhnin paratë cash nga shitja dhe më pas drejtuesit e grupit I transferonon përmes ashtuquajturve ‘money mules’ (korrierë apo transportues financiarë), ku bënin pjesë edhe disa shoferëve të autobuzëve, që vepronin në linjën Itali- Shqipëri. Nga 24 persona, për të cilët është vendosur caktimi i masave të sigurimit, “arrest në burg” dhe “arrest në shtëpi” nga autoritetet italiane – është verifikuar se 6 (gjashtë) prej tyre ndodhen në Shqipëri, 3 prej të cilëve janë arrestuar. Mes të cilëve dhe Igli Haxhia, agjenti I antiterrorit, I cili dyshohet se jepte informata drejt grupit gjatë kohës kur ishte pjesë e operacionales. në këmbim ai, sipas SPAK, ka marrë përfitime monetare. Gjatë aksionit u sekuestruan mbi 550.000 euro ‘cash’, 10 autovetura, 1 pistoletë gjysmëautomatike dhe 130 kg lëndë narkotike (kokainë dhe heroinë) e cila, në rast se do të hidhej në treg mund të arrinte vlerën e rreth 12 milionë eurove.