Policia greke ka vënë në pranga një shtetas shqiptar nga Skrapari, pas zbulimit të një plantacioni të madh kanabisi që pritej të gjeneronte të ardhura deri në 1 milionë euro. Pas shfrytëzimit të duhur të informacionit dhe të dhënave të marra nga policia e Kallamatës në Greqi, nga një hetim i detajuar policor dhe hetimi paraprak, është zbuluar një grup kriminal i përbërë nga shtetas shqiptarë, anëtarët e të cilit, me role të ndara, ishin aktivë prej katër muajsh në kultivimin sistematik të një sipërfaqeje të madhe dhe të një plantacioni hashashi, në një zonë gjysmë malore. Policia ka sekuestruar drogën të mbjellë në shtatë parcela me sipërfaqe totale prej 1 hektarësh, që vlerëson se nëse do të kishte dalë në treg do t’i siguronte grupit të shqiptarëve të ardhura në rreth 1 milionë euro. I arrestuari ka përfunduar 38-vjeçari shqiptar em emrin Foti Llambri, me origjinë nga Skrapari. Policia greke thotë se është duke hetuar për zbulimin e anëtarëve të tjera të grupit kriminal.