Shqipëria mban vendin e parë në Evropë dhe të 40 në botë për rrezikun nga fatkeqësitë natyre; përmbytje, tërmete, zjarre e të tjera. Një fakt i tillë bëhet publik edhe nga një raport i Bankës Botërore, e cila e klasifikon vendin tonë me rrezikshmëri të lartë nga katastrofat e natyrës. Sipas Indeksit Botëror të Rrezikut për vitin 2019, ekonomia e vendit është vënë në rrezik serioz nga këto fatkeqësi, ndërsa gjatë periudhës 1995–2015, një mesatare prej 30 mijë persona u prekën çdo vit nga katastrofat natyrore, dhe më shumë se 95 përqind e bashkive shqiptare u prekën nga të paktën një katastrofë.