Top News- Shqipëria në tavolinën e luftës!/Pse Këshilli i Sigurimit do vulosë të ardhmen e Rusisë

Shqipëria mund të marrë një rol kyc në luftën në Ukrainë, si anëtare e përkohshme e Këshillit të Sigurimit të Organizatës së Kombeve të Bashkuara. Ky organ është i vetmi brenda sistemit të OKB-së që ka autoritetin për të iniciuar veprime ushtarake, për të vendosur sanksione, për të nxjerrë rezoluta detyruese dhe për të nisur operacione paqeruajtëse. I dërguari francez në Këshillin e Sigurimit të OKB, Nicolas de Rivière tha pas takimit të së enjtes së ky organ mund të ndryshonte nëpërmjet vendimarrjes së tij rrjedhën e luftës në Ukrainës. Nga janari 2022 deri në fund të 2023, Shqipëria do të jetë anëtare jo të përhershme në organin më të fuqishëm të OKB-së, duke e rreshtuar vendin tonë në tryezën më të lartë për paqen dhe sigurinë, bashkë me fuqitë e mëdha.