BE-ja ka kaluar nëpër shtatë valë zgjerimi që nga viti 1973, por nuk ka pasur asnjë anëtar të ri që kur Kroacia u bashkua në vitin 2013. Komisionerja e Zgjerimit të BE-së, Marta Kos, e sheh 2026-tën, si "vitin e zgjerimit". Në një intervistë të dhënë për France24, komisionerja shprehet ndër të tjera se Shqipëria është në rrugën e duhur për në Bashkimin Europian. "Mali i Zi , i cili është në krye, mund të përfundojë negociatat teknike në fund të vitit dhe më pas të bëhet anëtar në vitin 2028", thotë Kos. " Shqipëria është në rrugë të mbarë. Moldavia po jep gjithnjë e më shumë rezultate dhe, sigurisht, edhe Ukraina . Pra, këto janë katër vendet në krye. Por kur themi se ky është viti i zgjerimit, dua të them se në nëntë muajt e këtij viti, kemi hapur dhe mbyllur më shumë kapituj sesa në çdo vit të mëparshëm në 25 vitet e fundit"-thotë Marta Kos për mediumin francez.