Kjo e shtunë ka shënuar një tjetër rritje të rasteve të reja në vendin tonë. Ministria e Shëndetëisë ka raportuar se gjatë 24 orëve të fundit janë shënuar 2,230 raste të reja nga 6,598 testime të kryera. Tirana vijon të jetë qarku më i infektuar në të gjithë vendin, ku vetëm në haekun kohorë të 24 orëve të fundit në kryeqytet janë regjistruar 1053 raste. Në njoftimin zyrtar të ministrisë bësohet me dije se ka 5 humbje jete. Betejën me Covid 19 nuk e fituan një qytetar nga Elbasani 60 vjeç, dy qytetarë nga Tirana 60 dhe 77 vjeç, një qytetar nga Rrësheni 77 vjeç, një qytetar nga Saranda 80 vjeç. Aktualisht në spitalet COVID po marrin trajtim 146 pacientë, nga të cilët 14 janë në gjendje më të rënduar. Ndërkohë po gjatë kësaj fashe orare janë shëruar 1,894 qytetarë, duke e çuar numrin e të shëruarve në 218,679 që nga fillimi i epidemisë. Aktualisht në të gjithë vendin 24,436 qytetarë janë të infketuar me covid19.