Kryeministri Edi Rama zbriti në Prishtinë, në kohën e tensioneve të lartë mes Kosovës dhe Serbisë, për një sërë takimesh të nivelit të lartë si pjesë e turit që ka ndërmarrë në të gjithë Ballkanit Perëndimor. Pasi u prit nga ambasadori I vendit tonë në Kosovë, Rama u ndal në selinë e presidentes Vjosa Osmani, me të cilin diskutoi gjatë për gjendjen aktuale të sigurisë në veri dhe sfidat e përbashkëta të dy vendeve. Sigurisht kryefjala ka qënë edhe samiti I Procesit të Berlinit, i cili do të mbahet në Tiranë në tetor të këtij vitit. Presidentja Osmani e siguroi Ramën se po punohet për uljen e tensioneve dhe ranë të dy dakord që pavarësisht ndasive të fundit të vazhdojnë koordinimin e përbashkët pëballë tensioneve. Më pas Rama ka shkuar Kuvendin e Kosovës, në takim me kryeparlamentarin Glauk Konjufca, ku po ashtu e priste edhe ambasadori amerikan në Kosovë, Jeffrey Hovenier, më të cilin kanë të njëjtin qendrim për tensionet në Veri.