Giorgia Meloni, numri një I qeverisë italiane I konsideron kampet e refugjatëve në Lezhë, si një eksperiment që do I shpërbejë Italisë edhe për bashkëpunime me vende të tjera në të njëjtin drejtim. Lajmi është bërë public nga mediet italiane, ku ndër të tjera thuhet se kjo do I shërbejë vendeve të BE. “Efektiviteti i tij i mundshëm tregohet nga mobilizimi jo vetëm i së majtës evropiane, por i OJQ-ve ndërkombëtare të cilat, siç e keni lexuar, po mobilizohen kundër Protokollit. Përveç se në të njëjtën kohë, shumica e shteteve anëtare të Bashkimit Evropian i kërkuan Komisionit që ta merrte atë si një model dhe si një zgjidhje inovative. Ne jemi të vetëdijshëm që do të jemi nën vëzhgim dhe për këtë arsye do të bëjmë gjithçka në mënyrën e duhur”, deklaroi Meloni. Më tej ajo shprehet se hapja e parashikuar e tyre më 1 shtator është shtyrë për në javët në vijim, pasi janë hasur vështirësi operacionale që po kapërcehen. “Siç e dini, në javët e ardhshme qendrat e parashikuara nga memorandumi i mirëkuptimit me Shqipërinë do të jenë plotësisht funksionale për të përpunuar kërkesat për azil në territorin shqiptar, por nën juridiksionin italian dhe evropian. Në muajt e fundit, siç e dinë mirë Ministrat Plantosi dhe Crosetto, ne kemi hasur në vështirësi të ndryshme operacionale, por po i kapërcejmë ato një nga një sepse besojmë shumë në këtë projekt inovativ”, është shprehur Meloni.