Mali i Zi dhe Shqipëria kanë mundësi reale të bëhen pjesë e familjes europiane brenda vitit 2030. Kështu deklaroi komisionerja për zgjerimin në Bashkimin Europian, Marta Kos gjatë një interviste për median gjermane Welt pak ditë më parë. Ndërkohë që po punohet për të forcuar Ukrainën, për të avancuar gjithnjë e më shumë drejt Bashkimit Europian; komisionerja Kos u pyet gjatë intervistës nëse ky afrim i shpejtë i Ukrainës, mund të demoralizojë apo zhgënjejë disa shtete të Ballkanit Perëndimor, veçanërisht Maqedoninë e Veriut dhe Bosnjë-Hercegovinën.