Kryeministri Edi Rama ka debatuar përsëri me kyetarin e PD Lulzim Basha për çështjen e plehrave. Pas deklaratës publike nga kreu i PD-së që kërcënoi kreun e SPAK Arben Kraja se do mbajë përgjegjësi për mos nisjen e hetimeve për ccështjen e trajtimit të mbetjeve, Rama u shpreh se të gjitha akuzat janë gënjeshtra dhe se puna për pastrimin e Shqipërisë nuk do të ndalojë. ‘Sipas Lulëzimit nuk duhen paguar plehrat që shkojnë në Sharrë po duhen bërë mal me re helmi mbi Kombinat! Vazhdon të ngatërrojë investimin privat me pagesën 29€ për ton nga shteti, kur në Europë shtetet paguajnë deri 150€ tonin për të njëjtën gjë! Çfarë mjerimi ky debat absurd!’, thekson fillimisht Rama nëpërmjet një reagimi në rrjetet sociale. Kryeministri është shprehur i vendosur për të vazhduar planin e qeverisë për trajtimin e mbetjeve. “Duan s'duan Lulëzimi dhe balonat e tij Shqipëria do pastrohet nga malet e plehrave, Tirana, Durrësi, Elbasani, Fieri, Vlora e me radhë nuk do rë kthehen tek malet e plehrave të Saliut e të partisë që ka program rrënimin e rrëmujën në çdo fushë të jetës shqiptare", thekson Rama.