Shqipëria u zgjodh anëtare e Bordut Ekzekutiv të UNESCO-s për një mandate katër vjeçar. Shefi i diplomacisë shqiptare, Igli Hasani bëri të ditur lajmin, ku ndër të tjera falenderoi të gjitha shtetet anëtare që i besuan Shqipërisë këtë rol të ri në tryezat ndërkombëtare. “Një lajm i shkëlqyer vjen nga Parisi: Shqipëria sapo u zgjodh anëtare e Bordit Ekzekutiv të UNESCO-s për periudhën 2023-2027. Falenderojmë të gjitha shtetet anëtare që na besuan këtë përgjegjësi të rëndësishme dhe presim të bashkëpunojmë ngushtë me të gjithë anëtarët e Bordit, në frymën e dialogut dhe konsensusit. Në një botë të ndarë nga kriza të shumta, ne kemi nevojë më shumë se kurrë të investojmë në paqe. Roli i UNESCO-s është më i domosdoshëm se kurrë. Mirënjohje ambasadores Besiana Kadare dhe stafit të Ministrisë së Evropës dhe Punët e Jashtme për punën e shkëlqyer.” – shprehet Hasani në Twitter.