Irlanda ka hequr Shqipërinë nga lista e vendeve me rrezik të lartë për infektimin me koronavirus. Vetëm pak ditë më parë ishte Zvicra që mori të njëjtin vendim. Lajmi është bërë i ditur nga nga ministri i Shëndetësisë së Irlandës, Stephan Donnelly i cili tha se shtetasit që vijnë nga Shqipëria nuk e kanë me të detyrueshme karantinën në hotele. Përpara këtij vendimi, shtetasit që vinin nga Shqipëria kishin si detyrim karantinë për 14 ditë si dhe testin PCR negativ, ndërsa tashmë karantina nuk do të jetë më kusht. Në një deklaratë për mediat ministri Donnelly tha se përmirësimi i situatës epidemiologjike në Shqipëri u bë shkas për të lehtësuar këto masa. Ai shtoi se për këtë vendim ishte konstuar me Grupin Këshillues të Ekspertëve për Udhëtimet. Nisja e vaksinimit masiv dhe ulja e rasteve ditore të infektimeve ka shtyrë Irlandnën që të mos e konsiderojë më Shqipërinë si vend me rrezikshmëri të lartë.