Gabim historik e konsideron ushtruesja e detyrës së presidentes, Albulena Haxhiu, vendimin e 11 viteve më parë të Kuvendit të Kosovës, ku u votua pro themelimit të Gjykatës Speciale. “Së pari e kemi konsideruar që një nga gabimet historike që do të mbahen mend përherë si vendim i dëmshëm i Kuvendit të Republikës së Kosovës është pikërisht formimi i Gjykatës Speciale. Askush nuk ka qenë kundër drejtësisë, por edhe në atë kohë qysh e them edhe sot, është dashur që të punohet në fuqizimin e institucioneve të drejtësisë që çfarëdo pretendimi në të ardhmen për këdo, le të merren institucionet tona të drejtësisë me atë çështje dhe jo të krijojmë gjykata etnike, sepse me aq sa ne dimë dhe përkundër kërkesave të mëdha që ka pasur, nuk ka pasur asnjë rast që Gjykata Speciale është marrë me krimet që Serbia i ka bërë në Kosovë, përfshirë këtu edhe masakrën e Dubravës, edhe që për vjetorin e kemi pasur tash së fundi” Ajo uron që Gjykata Speciale ta korrigjojë kërkesën e padrejtë të Prokurorisë Speciale në rastin e ish-krerëve të Ushtrisë Çlirimtare të Kosovës, vendimi ndaj të cilëve do të merret më 16 shtator.