Kryeministri Edi Rama nuk la pa e thumbuar presidentin Ilir Meta për nënshtetësinë e dhënë futbollistit afrikan, një lëvizje kjo që nxiti shume debate. Ganezi Winnful Essua Joseph, I cili kërkonte të behej me urgjencë shqiptar, ka qenë sipas shefit të ekzekutivit i marrë i pandehur nga Prokuroria në kohën kur siguroi nënshetësinë. “Ilir Meta ka lidhje me Kushtetutën sa ç’ka lidhje me Topin e Artë ai futbollisti afrikan që mori pashaportën shqiptare për 8 orë nga Iliri, ndërkohë që ishte nën akuzë në Shqipëri për falsifikim dokumentash! Të dy bashkë po, e kanë një lidhje: I kanë bërë gol me kokë drejtësisë!” ka shkruar Rama në Twitter. Presidentit I mbërriti në 28 shtator kërkesa nga ekipi i Tiranës për ti dhënë ganezit pasaportën shqiptare në mënyrë që ai te merrte pjesë në ndeshjen me Yong Boys në Zvicër. Po ate ditë, Meta lëshoi dekretin që I jepte futbollistit dritën jeshile të nënshtetësisë. Debati I ndezur për këtë cështje erdhi në kohën kur presidenti ktheu për rishqyrtim në parlament ndryshimet e Kodit Zgjedhor, të miratuara nga shumica pa mirëkuptimin e opozitës në Këshillin Politik.