Një emigrant brazilian që jeton në Spanjë po quhet ‘hero’ pasi rrezikoi jetën e tij për të shpëtuar një fëmijë të vogël i cili ishte varur nga një ballkon i katit të katërt në qytetin bregdetar të Alicantes. Felipe David Souza, një punëtor 29-vjeçar, po përgatitej të kthehej në shtëpi, kur dëgjoi britma jashtë banesës ku ai po punonte. Ai hodhi një vështrim jashtë dhe pa se një turmë njerëzish ishte mbledhur në rrugën poshtë. Shumë njerëz po tregonin me gisht ballkonin pranë vendit ku ai punonte. “Pashë një djalë të vogël me gjysmën e trupit jashtë”, u tha më vonë Souza gazetarëve. Fëmija gjashtë vjeçar, duket sikur kishte ngrirë nga frika në parmakun e ballkonit, me njërën këmbë dhe trupin të varur jashtë. Poshtë, turma i kërkonte dëshpërimisht fëmijës që të hynte brenda. Videoja e filmuar në vendngjarje tregon Souzan që ngjitet me shpejtësi mbi parmakët e ballkonit, duke iu afruar fëmijës. "E bëra pa u menduar," tha ai. Policia tha se djali dhe prindërit e tij, ishin turistë. Tani, këshilli i qytetit po diskuton se si do ta shpërblejë heroin brazilian që jeton në spanjë prej nëntë vitesh, për atë që zyrtarët e quajtën akt heroik me vlerë të madhe.