Roja bregdetare spanjolle ka shpëtuar një marinar francez që kishte mbijetuar për 16 orë brenda një xhepi ajri, nën barkën e tij të përmbytur pranë brigjeve të Galicisë. Marinari 62 vjecar, ishte nisur në lundrim nga Lisbona dhe kishte lëshuar një sinjal për ndihmë kur ishte 14 milje në veri perëndim të ishujve Sisargas mbrëmjen e 1 gushtit. Roja bregdetare spanjolle nuk mundi menjëherë ta shpëtonte atë, për shkak të kushteve të këqia të detit, por sidoqoftë mundën të lidhnin balona mbi mjetin e tij për ta parandaluar të fundosej. Ata rinisën operacionin e shpëtimit mëngjesin që pasoi. Burri ishte dërguar në spital për kontrolle dhe u la më pas i lirë të kthehej në shtëpi pasi nuk kishte patur asnjë lëndim apo problem shëndetësor. Vetë pjesëtarët e rojës bregdetare që morën pjesë në operacionin e shpëtimit të tij, thonë se epilogu i kësaj ngjarjeje mund të konsiderohet një mrekulli për faktin e vetëm se personi në rrezik kishte mbijetuar me një sasi të vogël oksigjeni nën barkën e përmbysur.