Policia e Krujës ka dhënë detaje të reja në lidhje me eksplozivin e vendosur në banesën e Arben Pëllumbit. Në ambientet e Policisë janë shoqëruar disa shtetas të dyshuar për këtë ngjarje që dyshohet të ketë ndodhur si pasojë e disa konflikteve të mëparshme. Ngjarja ndodhi mbrëmjen e së dielës, në oborrin e banesës së pabanuar të Arben Pëllumbit. Ndërsa bëhet me dije se kjo është hera e tretë që I vendosin eksploziv në banesë. Sasia e lëndës plasëse ka shpërthyer në hyrje të shtëpisë , por fatmirësisht ka sjellë vetëm dëme materiale. Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.