Një grua ukrainase është shpallur e dyshuara kryesore për shpërthimin me bombë që tronditi Monakon dhe plagosi rëndë multimilionerin ukrainas të sanksionuar, Vadym Yermolaiev, partneren e tij dhe djalin 13-vjeçar. Sipas autoriteteve, Anastasiia Berezovska, 39 vjeç, dyshohet se u maskua si burrë për të kryer sulmin. Për të është lëshuar një njoftim nga Interpolit për tentativë vrasjeje, vendosje të një mjeti shpërthyes në një rrugë publike dhe komplot kriminal. Hetimet tregojnë se pak para orës 21:00 të së hënës, një person la një pako në hyrje të një pallati në Monako. Shpërthimi ndodhi pak minuta më vonë, pikërisht kur tre banorët po hynin në ndërtesë. Policia beson se e dyshuara kishte vëzhguar rezidencën për disa ditë dhe pas sulmit u largua fillimisht drejt Italisë, e më pas në Gjermani.