Mali Tambora ndryshoi botën. Në 1815, vullkani indonezian shpërtheu në atë që konsiderohet shpërthimi më i fuqishëm në histori, duke dërguar një sasi të madhe grimcash të vogla që reflektojnë diellin lart në atmosferë, duke ftohur planetin dhe duke afruar katastrofën. Ai që pasoi u quajt "viti pa verë": temperaturat globale ranë, të korrat u shkatërruan, njerëzit vuajtën nga uria, një pandemi e kolerës u përhap dhe dhjetëra e mijëra vdiqën. Shumë vullkane kanë shpërthyer që atëherë, por Tambora mbetet shpërthimi masiv më i fundit në planet. Më shumë se 200 vjet më vonë, shkencëtarët paralajmërojnë se bota mund të jetë për në prag të një tjetër shpërthimi të madh vullkanik. Pyetja nuk është nëse, por kur, thotë Markus Stoffel, profesor i klimës në Universitetin e Gjenevës. Provat gjeologjike sugjerojnë një shans 1 në 6 për një shpërthim masiv këtë shekull, tregon ai për CNN. Megjithatë, këtë herë, shpërthimi do të ndodhte në një botë shumë të ndryshme, në një botë që jo vetëm është më e populluar, por që është ngrohur edhe nga kriza klimatike. Shpërthimi i ardhshëm masiv do të "shkaktojë kaos klimatik", thptë Stoffel. "Njerëzimi nuk ka asnjë plan për këtë".