Mianmari tani është prodhuesi më i madh në botë i opiumit, duke lënë pas Afganistanin, sipas një raporti të Kombeve të Bashkuara. Në raport përmendet se këtë vit Mianmari, ka rritur prodhimin me 36 për qind, duke arritur në 1.080 tonë opium, që është edhe përbërësi kryesor për drogën e rëndë, heroinën. Ndër faktorët kryesorë përmenden mungesa e stabilitetit të brendshëm dhe një rënie prej 95 për qind në kultivim e bimës në Afganistan, pasi talebanët urdhëruan ndalimin e drogës, vitin e kaluar. Afganistani besohet se ka prodhuar 330 tonë të opiumit këtë vit. Çmimet mesatare për kultivim të opiumit të freskët dhe atij të thatë në Mianmar janë rritur ndërkohë nga 317 dollarë në 356 dollarë për kilogram. Rajoni ku gjendet Mianmari dhe kufijtë e tij me Tajlandën dhe Laosin, i ashtuquajtur Trekëndëshi i Artë, ka qenë historikisht i njohur për prodhimin e opiumit dhe heroinës. Mianmari dhe Afganistani janë vendet që shesin më së shumti heroinë në gjithë botën.