18 mijë lopë janë vrarë në një shpërthim në një fermë në shtetet e bashkuara të amerikës. Një person raportohet se ka mbetur i lënduar po ashtu në shpërthimin katastrofik që ndodhi në shtetin jugor të Teksasit. Ky është aksidenti më i rëndë në një fermë bagëtish në historinë e teksasit’ tha komisioneri lokal i bujqësisë i cili edhe shtoi se një hetim ka nisur për zbardhjen e ngjarjes por për përfundime do të nevojitej kohë. Zjarri që pasoi shpërthimin shkrumboi fermën gjatë gjithë natës. Zjarrfikësit dhe policia mbërritën në vendngjarje dhe gjetën atje një person të bllokuar mes flakëve. Punëtori i fermës u shpëtua dhe u dërgua me spital në kontenë Castro. Origjina e shpërthimit sipas zyrtarëve nuk është përcaktuar ende ndërkohë që ngjarja konsiderohet e tmerrshme. “Sapo të mësojmë shkakun dhe faktet që rrethojnë këtë tragjedi, ne do të sigurojmë që publiku të jetë plotësisht i informuar se katastrofa të tilla mund të evitohen në të ardhmen”, thanë zyrtarët. Shefi i policisë lokale tha se një sistem menaxhimi mbetjesh mund të ishte mbinxehur. Ai shtoi se metani i cliruar nga lopët mund të digjet dhe më pas të përhapet me shpërthime dhe zjarr.