Një shpërthim në një fabrikë municionesh dhe eksplozivësh në veri-perëndim të Turqisë ka vrarë të paktën 12 persona dhe ka plagosur katër të tjerë. Shpërthimi ndodhi në orën 8:25 minuta sipas orës lokale në seksionin e prodhimit të kapsulave, tha guvernatori i qytetit Balikesir, Ismail Ustaoglu. Ministri i Brendshëm Ali Yerlikaya tha se shkaku nuk është ende i qartë, por se autoritetet kanë përjashtuar mundësinë e një sabotimi. Videot nga vendi i ngjarjes treguan një top zjarri që shpërtheu nga fabrika, duke shkatërruar një pjesë të ndërtesës, e ndjekur nga shtëllunga tymi të errët. Pamjet e mëvonshme tregojnë pjesët e shkaërruara prej çeliku të përhapura në zonën. Shpërthimi shkaktoi tronditje e lëkundje në të gjithë qytetin Köteyli, thanë dëshmitarët për CNN Turk. Shumë ekipe zjarrfikëse u dërguan për të shuar flakët dhe njësitë e emergjencave dhe ato të sigurisë u dërguan në zonë, thanë zyrtarët. “Shpreh ngushëllimet për familjet e viktimave dhe uroj shërim të shpejtë për të lënduarit tanë”, tha Ustaoglu në një postim në rrjetet sociale. Një hetim ka nisur tani për të zbardhur rrethanat që çuan në shpërthim, tha ministri i drejtësisë Yilmaz Tunc.