Një shpërthim i fuqishëm ndodhi në një bllok banesash trekatëshe në Hagë. Zjarrfikësit nxituan për në vendngjarje për të shuar zjarrin që shkaktoi shembjen e disa shtëpive në zonën Tarëekamp të qytetit rreth orës 06:15. Të paktën 20 persona mendohet se kanë qenë në banesat që u rrafshuan. Ndërkjhë katër janë nxjerrë nga rrënojat. Shkaku i shpërthimit nuk është ende i qartë, por policia holandeze tha se një makinë u largua "me shpejtësi shumë të madhe" menjëherë pas kësaj. Hetuesit kanë sekuestruar kamerat e sigurisë rreth zonës dhe po punojnë për sqarimin e rrethanave të ngjarjes. Ndërkohë nga ana tjetër mediat holandeze raportuan se pesë banesa u shkatërruan nga shpërthimi. Ekipet e shpëtimit me qen nuhatës po vijojnë kërkimet për të mbijetuar por dhe për të nxjerrë viktimat që aty. Një 14-vjeçar i tha agjencisë së lajmeve AFP se shpërthimi "u ndje si një tërmet". "Unë isha në gjumë dhe papritmas pati një zhurmë të madhe," tha ai. Për ngjarjen reagoi dhe mbreti holandez, ndërsa priten të zbardhen detaje në orët në vijim.