Astronomët kanë rindërtuar një udhëtim 22 milionë vite të gjatë të një asteroidi që u end rreth sistemit diellor dhe shpërtheu mbi Botsvana, duke lëshuar një shi meteorësh mbi shkretëtirën Kalahari. Kjo ëhstë hera e parë që shkencëtarët kanë gjyrmuar një shkëmb hapësinor që nga burimi i tij. Bëhet fjalë për Vesta-n, një nga trupat më të mëdhenj të një brezi asteroidësh që qarkullojnë rreth diellit, mes jupiterit dhe marsit. Asteroidi që peshonte gjashtë ton, hyri në armosferën e tokës me një shpejtësi prej 60 mijë km në orë në qershor 2018, duke u shpërndarë në copëza mbi shkretëtirën Kalahari e duke krijuar një top zjarri thuajse po aq të shndritshëm sa edhe dielli. Kërkime të menjëhershme në vendin ku ranë copëzat, zbuluan edhe një meteorit të vogël, që u quajt Motopi pan. Imazhe të marra nga teleskopë të ndryshëm kanë ndihmuar astronomët të rindërtojnë trajektoren e shkëmbit dhe të arrijnë edhe origjinën e tij. Dhe kjo i ka dërguar ata tek Vesta, një asteroid me diametër 480 metra që me raste mund edhe të shihet me teleskop.