Kryeministri spanjoll, Pedro Sanchez, ka mbërritur në Las Palmas në ishujt kanarie ku një shpërthim vullkanik coi në evakuimin e 5 mijë personave. Pamje ajrore tregonin llavën nga vullkani Cumbre Vieja, që rridhte nën faqen e malit duke shkatërruar madje disa shtëpi. Sanchez tha se autoritetet po monitorojnë nga afër zjarret që mund të ndizen nga llava përvëluese. Ushtria dhe roja civile janë dislokuar në ndihmë. Vullkani shpërtheu për herë të fundit 50 vite më parë. Ai ndodhet në jug të ishullit Las Palma, me rreth 80 mijë banorë. Shpërthimi nisi rreth orës 15.00 sipas orës lokale dhe bëri që llava të rridhte drejt fshatrave. Jonas Perez, një guidë lokale, tha se ai mund të ndjente ende dridhjet nga shpërthimi. “Por, tani, gjëja më mahnitëse që unë nuk e kam përjetuar kurrë është zhurma që vinte nga vullkani. Dukej si të ishin 20 avionë ushtarakë që fluturonin mbi kokat tona me një zhurmë të tmerrshme”, tha ai.