Shkollat po mbyllen në Britani mes shpërthimeve të gripit që po çojnë qindra nxënës në spitale me stafin që deklaron se është si 'të kthehesh në kohën e Covid-it'. Drejtorët e shkollave në të gjithë Mbretërinë e Bashkuar kanë paralajmëruar se shkalla e përhapjes së gripit po shkakton alarm, me disa prej tyre që kanë marrë masa parandaluese për të luftuar përhapjen e sëmundjes. Kjo vjen ndërsa një 'supergrip' ka përfshirë Britaninë me shtrimet në spital në Londër që janë trefishuar, njerëzve u kërkohet të mbajnë maska ndërsa 100 pasagjerë të një anijeje krocerë të infektuar. Në një nga shkollat më të goditura, në Uellsin Jugor, u vendos mbyllja e përkohshme pasi më shumë se 250 nxënës dhe staf u sëmurën. Shkolla të tjera kanë paralajmëruar prindërit për një shpërthim të konsiderueshëm të gripit apo kanë ndërprerë përkohësisht mësimin për të dezinfektuar ambjentet e duke i kthyer nxënësit në mësimin online. Simptomat përfshijnë të vjella, diarre, temperaturë të lartë, kollë, dhimbje koke, lodhje dhe efekte të përgjithshme të ngjashme me gripin me një kohë mesatare rekuperimi prej shtatë ditësh. Prindërit janë këshilluar t’i mbajnë fëmijët në shtëpi nëse shfaqin ndonjë simptomë të ngjashme, qoftë edhe të lehtë.