Protestuesit serbë u përleshën të dielën me forcat policore të Serbisë afër pikëkalimit kufitar mes Kosovës dhe Serbisë, Jarinjë, në anën serbe të saj, ndërsa protestuan në shenjë mbështetjeje ndaj serbëve lokalë që kanë ngritur prej disa ditësh tashmë barrikada në veri të Kosovës. Protestuesit thyen kordonin e policisë por më pas kjo e fundit formoi një kordon të ri më afër kufirit. Protestuesit u shpërndanë pasi Policia serbe u tha se do të lironte një person që kishte arrestuar në protestë.