Një shpërthim i fuqishëm dëmtoi një nga tubacionet më të mëdha të gazit në Rusi, teksa flakë të mëdha dhe një re tymi mbuloi qiellin. Daily Mail shkruan se shpërthimi ndodhi rreth 14 milje në lindje të Shën Petersbrug, në qytetin e dytë më të madh të vendit, dhe në vendlindjen e liderit rus. Një burim tha për tabloidin britanik se shpërthime të tilla, pa një faktor të jashtëm, janë thuajse të pamundura. Kjo goditje, dyshohet të jetë një akt sabotazhi nga Ukraina, pasi rreth 10 milionë banorë mbetën pa energji elektrike si pasojë e shkatërrimit të linjave të energjisë nga forcat ruse. Daily Mail raporton se shpërthimi shkaktoi ndërprerje të punës në termocentralin Severnaya, i cili ngroh qindra mijëra shtëpi në një kohë kur temperaturat janë rreth minus 5C. Ministria ruse e emergjencave tha se fatmirësisht nuk pati persona të lënduar apo viktima nga shpërthimi.