Pamje të tmerrshme nga kamerat e sigurisë në zonë, tregojnë momentin kur dy persona vriten pasi një minë shpërthen kur ata zhyten në ujë në një plazh të Odesës në Ukrainë. Dy persona të tjerë ndërkohë janë plagosur në shpërthimin e regjistruar në qytetin bregdetar në detin e zi, sipas mediave ukrainase. Autoritetet e Odesës i kanë kërkuar banorëve të mos notojnë në ujërat pranë portit të qytetit dhe madje kanë mbyllur edhe plazhet këtë verë, për shkak të frikës së sulmeve ajrore ruse. Imazhet tregojnë ndërkohë një numër njerëzish në breg të detit kur një shpërthim i madh bëri që uji të ngrihej lartë. Sipas mediave lokale, dy persona u vranë menjëherë nga shpërthimi.