Koreja e veriut lëshoi të paktën 17 raketa në det të mërkurën, mes të cilave, njëra që ra më pak se 60 km larg brigjeve të Koresë së Jugut duke bërë që kjo e fundit të ndezë sirenat e alarmit për sulme ajrore dhe të përgjigjet edhe ajo me raketat e saj. Kjo ishte hera e parë që një raketë balistike bie afër ujërave koreanojugore si edhe numri më i madh i raketave të lëshuara nga veriu në një ditë të vetme. Raketat ranë jashtë ujërave territoriale të koresë së jugut por kapërcyen vijën kufitare, një kufi detar mes koreve i polemizuar, në atë që presidenti i koresë së jugut Yoon Suk Yeol e quajti një akt i vërtetë shkeljeje territoriale. Avionët ushtarakë të koresë së jugut lëshuan tre raketa ajër-tokë në detin në veri të kësaj vije. Një zyrtar tha se ishin lëshuar raketa amerikane me precizion të lartë që mund të fluturojnë për mbi 270 kilometra dhe që kanë një mbushje shpërthyese prej 360 kilogramësh. Lëshimi i raketave nga koreja e jugut erdhi pasi presidenti i vendit premtoi kundërpërgjigje të shpejtë dhe të vendosur ndaj koresë së veriut në mënyrë që ajo të paguajë cmimin për provokimin. Koreja e veriut, sic raportohet, lëhsoi raketa balistike me rreze të shkurtër veprimi nga zona bregdetare e Uonsanit. Në total, 17 raketa të llojeve të ndryshme u lëshuan nga brigjet e saj. Lëhsimi i raketave erdhi vetëm pak orë pasi Peniani kërkoi që SHBA dhe Koreja e Jugut të ndalonin stërvitjet e tyre ushtarake, duke thënë se provokime të tilla nuk mund të tolerohen më.