Gjiganti i teknologjisë Google njoftoi se ka fuqizuar ‘chatbot-in’ me një model të gjeneratës së re të inteligjencës artificiale, i cili quhet Gemini, për të cilin kompania thotë se është i aftë për të arsyetuar më mirë sesa ChatGPT dhe rivalët e tjerë. Google prej vitesh është angazhuar në krijimin e kapaciteteve të Inteligjencës Artificiale, por u zu në befasi kur OpenAI, e financuar nga Microsoft, prezantoi fundvitin e kaluar ChatGPT. Përsa i përket modelit të Inteligjencës Artificiale që ka nxjerrë Google, shefi ekzekutiv i kompanisë tha se është një moment i jashtëzakonshëm dhe është vetëm fillimi.’Kjo gjeneratë e re e modeleve përfaqëson një prej përpjekjeve më të mëdha në shkencë dhe inxhinieri që ne kemi bërë si kompani’, u shpreh ai. Gemini është modeli i parë i Inteligjencës Artificiale që ka arritur rezultate më e mira se ekspertët njerëzorë në disa fusha të caktuara si matematike, fizike, histori, drejtësi, e mjekësi, ka deklaruar Elli Collins.’Unë jam i mahnitur nga aftësitë e tij’, tha Collins.