Tensionet shpërthyen mes policisë dhe protestuesve në qytetin e dytë më të madh të Greqisë, Selanik, pasi autoritetet i dhanë fund pushtimit të godinës kryesore të universitetit atje nga studentët dhe demonstrues të tjerë. Protestuesit hodhën bomba zjarri në drejtim të policisë teka përplasje u shënua pranë qendrës së qytetit. Policia u përgjigj me gaz lotsjellës dhe bëri arrestime të shumta. Nuk pati asnjë raport për të lënduar. Pushtimi, i cili kishte zgjatur për rreth tre javë, ishte një formë proteste ndaj një vendimi nga qeveria e qendrës së djathtë për të dërguar patrulla policore në universitare. Pavarësisht masave kufizuese anti covid, një sërë marshimesh proteste u zhvilluan në qytetet greke gjatë muajit të kaluar kundër planit të pranisë policore në kampuse. Në tubimin e selanikut morën pjesë rreth 8 mijë persona sipas shtypit të huaj.