Një shpërthim në avion, që shkaktoi edhe një viktimë, ka ndezur frikën e një akti sabotimi rus. Autoritetet në Lituani nuk e përjashtuan pistën e terrorizmit pasi një avion mallrash DHL u përplas me një ndërtesë ndërsa po i afrohej aeroportit të Vilniusit. Aksidenti ka ringjallur frikën e një operacioni të fshehtë sabotazhi rus pas një serie shpërthimesh misterioze në magazinat e DHL-së në Evropë, duke përfshirë Leipzigun në Gjermani dhe birminghamin në Britaninë e Madhe. Zyrtarët e sigurisë druajnë se shpërthimet e pakove ishin pjesë e një komploti rus për të shkaktuar kaos në transportin ajror të mallrave për në Shtetet e Bashkuara. Avioni i mallrave të DHL-së, i përplasur pranë aeroportit të Vilniusit, ishte nisur nga Lajpcigu në gjermani. Pamjet dramatike tregonin Boeingun 737 që shpërtheu në flakë pasi goditi një ndërtesë dykatëshe rreth orës 5:30 të mëngjesit sipas orës lokale. Pamjet tronditëse tregonin copat e përfshira nga flakët të avionit të mallrave ndërsa ekuipazhet e emergjencës nxitonin për të shuar zjarrin.