Shpërndarja e një vaksine të koronavirusit në të gjithë botën do të ishte sfida më e madhe e transportit në histori, sipas vetë industrisë së aviacionit. Sipas shoqatës ndërkombëtare të transportit ajror, për ta bërë këtë do të nevojitej ekuivalenti i 8 mijë avionëve Boeing 747. Akoma nuk ka një vaksinë të koronavirusit, por shoqata po punon me kompanitë ajrore, aeroportet, organet globale të shëndetësisë dhe kompanitë farmaceutike, për një plan global të shpërndarjes së saj. Programi i shpërndarjes hamendëson se vetëm një dozë nevojitet për person. “Shpërndarja e sigurt e vaksinave të Covid-19, do të jetë misioni i shekullit për industrinë globale të transportit ajror. Por kjo nuk do të ndodhte pa një planifikim të kujdesshëm në avancë. Dhe koha për ta bërë këtë, është tani”, tha shefi ekzekutiv i Shoqatës Ndërkombëtare të Transportit Ajror Aleksandër de Juniak.